Sabi sa akin nung Ateista kong classmate..Hindi daw siya naniniwalang may Diyos.

Kailangan daw makakita muna siya ng pruweba bago siya maniwala.

"Bakit? Hindi pa ba pruweba para sa kanya kung paano siya nabubuhay?

Nagkataon lang ba at biglang sumulpot ang mga nilalang na tulad natin?

Nagkataon lang daw na mayroon Uniberso at ang Solar System na kung di nagkakamali yung aklat at prof ko na nakausap ko na ang mga Plateta raw ay may sistemang Grabidad na sumusuporta sa bawat isa para manatili sa posisyon nila at hindi dumiretso o pumunta sa araw. Pati daw si Newton napabulalas ng "Oh my God" at naniniwalang may dumisenyo ng Uniberso at hindi ito basta lumitaw lang.

Nagkataon lang daw na mayroong tayong katawan na kumpleto para sa lahat ng pangangailangan natin,na mayroon utak na nagpapagana sa katawan at mayroong mga sistema tulad ng Immune,Skeletal,Excretory at kung anu ano pang sistema ng katawan na may tion o tory sa hulihan (hindi kasama yung Chakra System na sinasabi sa Naruto ha).

Nagkataon lang daw kung bakit at paano tayo pino protektahan ng Immune System mula sa sakit.

Nagkataon lang daw na umiral tayo nang maayos at tamang tama na parang dinisenyo.

 Nagkataon lang daw na may ilong tayo na hindi lumitaw na nakataas(imagine nyo na lang kung paano kaya kung umulan?).

 Nagkataon lang daw na nasa maayos na posisyon yung mga mata natin...na nasa taas ng katawan natin para makakita ng maayos, ang Ulo at hindi ito basta lumitaw lang kung saan at hindi sa pwet o sa kili kile.

Nagkataon lang daw na ang pwet nya e hindi sumulpot sa kung saan. Halimbawa: Sa mukha.

Nagkataon lang daw na.... kung gusto mo pang makabasa ng mga bagay na nagkataon lang...magbasa ka na lang ng Encyclopedia o di kaya magaral ka ng mga aralin na may logy sa hulihan. Lahat daw yun sumulpot lang dahil sa "NAGKATAON" lang daw.

Hindi daw pruweba ang mga iyon...Nagkataon lang daw.

Pagkakataon nga naman.